info[arroba]nutteatro.es
NUT TEATRO é unha compañía teatral galega fundada en maio de 2006.
O noso equipo multidisciplinar está composto por profesionais con formación específica para a creación, produción e distribución de espectáculos teatrais. Apostamos por propostas contemporáneas tanto nos traballos de creación colectiva como na posta en escena de textos nacionais e internacionais.
Dende a constitución desta compañía, estreamos dous espectáculos. O primeiro deles é Corpos Disidentes, unha proposta de creación colectiva en todas e cada unha das súas fases incorporando elementos de danza, performance, instalación e audiovisual, a partir de presupostos teatrais contemporáneos.
O segundo espectáculo é 4.48 Psicose, unha posta en escena do texto da dramaturga Sarah Kane que por primeira vez se presenta en galego.
A Mirada de Pier é o noso derradeiro espectáculo.