Nut Teatro

UNIVERSO NUT: "definitivamente coincido no lado de Pier"

Despois de tres traballos estreados e actualmente en vixencia, varias performances e futuros proxectos que se atopan en carteira... o Universo Nut estase a constituír coma un inventario propio a base de items que podemos identificar coma "constantes" nas súas pezas.

Punto de partida: un discurso contemporáneo e conceptualizado baseado, entre outras cousas, nos espazos ocultos da identidade máis alá do corpo e da imaxe como elemento identificador.

Búsqueda da proposta escénica a partir da investigación. Non buscar o resultado coma meta principal senón a pegada que o proceso deixa no traballo e no creador.

Emprego de novas tecnoloxías (vídeo cámaras, sensores, proxeccións, audio, micrófonos inalámbricos e de ambiente) coma parte do discurso e non gratuitamente coma unha ferramenta en si mesma, illada da proposta escénica.

Ausencia de personaxe. Movemento ao redor da liña que divide a ficción do real.

Facer do espectador unha parte activa do espectáculo. Apostar por propostas que, unha vez rematada a presentación, se "vaian" co público sen dar respostas, senón facendo preguntas.

Entender:

• o desexo,
• o pracer,
• a dominación,
• a sumisión,
• a práctica estético-erótica relacionada co BDSM (bondage-sadomaso),
• a liña establecida por un/outro,
• o corpo,
• a imaxe reflictida,
• poder que a ollada do outro exerce sobre un mesmo,
• espazo escénico como hábitat onde hibridar disciplinas artísticas (performance, danza, linguaxe e referencias cinematográficas) sen renunciar ao discurso inicialmais fuxindo da autocensura,
• a mirada retroalimentada, lanzada e devolta nun feedback continuo,
• a deconstrucción coma maneira de reinventarse nun panorama artístico que as máis das veces semella camiñar por diante da sociedade e non á par dela...
• ...coma partes fundamentais da construcción da identidade.

Se che interesa coñecer o noso día a día, segue a bitácora de Nut Teatro.