Nut Teatro

Andaina

Corpos Disidentes estrouse o 12 de xaneiro do 2007, no Teatro Principal de Compostela. Durante o primeiro semestre do ano presentouse en varios puntos da xeografía galega coma Viveiro, Ribadeo, Cee, O Carballiño, A Coruña e Lugo.

No segundo semestre do ano 2007, tamén estivemos presente dentro da Rede Galega de Teatros e Auditorios, en Gondomar, Pontevedra, Ames e Vigo.

Nas próxima edicións do Festival Escena Contemporánea de Madrid e do FITEI de Porto tamén poderás ver Corpos Disidentes, xa que foi seleccionado para participar nestes eventos internacionais.

Sinopse

Corpos Disidentes é un espectáculo multidisciplinar que mestura diferentes códigos coma a danza, a performance, a instalación ou o audiovisual co teatro. Nel abórdase a identidade como concepto, dende unha perspectiva en feminino, partindo da consideración do corpo como realidade obsoleta e da(s) identidad(es) como construcción(s) socio-simbólica(s).

A multiplicidade da identidade, unida á súa construcción, reconstrucción e deconstrucción marcan o espazo que existe entre esta e o seu corpo. Propónse ao espectador unha viaxe a través das fisuras do visíbel e a posibilidade de instalarse nunha realidade que non se ve, pero que, non por isto, é menos real.

Nun mundo tecnolóxico no que somos fundidos de máquina e organismo, no que cada vez somos menos corpo e máis virtualidade, próteses ou códigos numéricos e no que os virus informáticos, a sida ou o terrorismo marcan novas pautas (trans)políticas, a identidade descomprémese polimorfa.

Ficha artística

• Dirección: Carlos Neira.
• En escena: Arantza Villar, Iria Sobrado, Nerea Barros, Xiana Carracelas.
• Textos: Nut Teatro.
• Videocreación: Ignacio de la Cierva (Tres deseos).
• Escenografía: Nut Teatro.
• Construcción de furnas: Ariel Torres.
• Son: Ariel Torres.
• Maquillaxe: María Illobre.
• Iluminación: Octavio Mas.
• Produtor executivo: César Abella Vázquez.
• Vestiario: Clotilde Vaello/María Illobre.
• Fotos: Uxía Piñeiro e Pixi.

Andrea Álvarez Pino formou parte do equipo artístico no proceso creativo deste espectáculo ata a súa estrea o 12 e 13 de xaneiro de 2007.

Por se vos interesa descarregalo, deixamos aquí o cartel de Corpos Disidentes en tamaño completo en pdf (82 Kb).