Nut Teatro

Andaina

O terceiro traballo da compañía, A mirada de Pier, veu a configurar plenamente os parámetros artísticos sobre os que se asenta Nut Teatro. Pois, nesta seguinte aposta, é xa tanxible un corpus de referencias e imaxes comúns a todos os traballos que compoñen o Universo Nut ( a ausencia de personaxe, o poder da mirada e do outro, a búsqueda do pracer, a liñas divisorias coma novos espazos por explorar...).

Estreada en decembro de 2007 na Sala Nasa e os días 25 e 26 de xaneiro de 2008, no Centro Cultural Torrente Ballester de Ferrol, A mirada de Pier foi presentada nos Concellos da Rede Galega de Teatros e Auditorios (RGTA), na Rede Galega de Salas (RGS), na X MOSTRA SESC DE CULTURA DO CARIRI (BRASIL), e no XV JANEIRO DE GRANDES ESPETÁCULOS EN RECIFE (BRASIL).

Sinopse: Estou entregada a ti, fai de min o que queiras.- Ese é en realidade o verdadeiro poder.

Catro actrices, nunha situación de ficción, mostran e demostran tres visións diferentes do pracer a través dun elemento común: o desexo.

Un microcosmos composto pola presencia da dominación, a sumisión, o bondage, as cordas, a superación, o poder de sentirse diferente, atada, cobaia, sometida, perseguida... de disfrutar e obedecer sabendo que se te entregas de verdade a pelota está no tellado da outra persoa.

Unha persoa (o outro) que ten o privilexio de mandar e mirar facéndote consciente da túa exposición. Unha presenza dominadora que, neste traballo adopta o nome de Pier como alegoría do desexo, pero que non é máis que a mandataria e cómplice mirada do espectador. A que sempre permanece anque non diga nada. Un delicioso voyeaur que, dende o máis interesante e morboso anonimato, manexa a parte máis íntima de cada un de nós.

Pois...Se ben as catro actrices xogan ao despiste
dende o comezo saben de sobra que Pier es ti
e a túa Mirada un mandamento.

Ficha artística

• Dirección: Carlos Neira.
• Produtor executivo: César Abella.
• En escena: Arantza Villar, Iria Sobrado, Nerea Barros, Xiana Carracelas.
• Textos (autora residente): Clara Gaio.
• Espazo escénico : Nut Teatro.
• Estilismo: Nut Teatro.
• Iluminación: Octavio Mas.
• Deseño Gráfico: Mauro Trastoy/a_túa. Creación-produción artística. Abraham Vila.
• Videocreación : a_túa. Creación-produción artística.
• Fotos : Christian Sánchez/Dadá Petrole.

Por se vos interesa descarregalo, deixamos aquí o tríptico de A Mirada de Pier:

• Páxina 1 do tríptico de A Mirada de Pier (jpg, 233 Kb).
• Páxina 2 do tríptico de A Mirada de Pier (jpg, 80 Kb).
• Páxina 3 do tríptico de A Mirada de Pier (jpg, 100 Kb).